Министерот за здравство во Косово, Арбен Витија одржа вонредна конференција за медиумите, по информациите дека во Клиничкиот центар во Приштина е примено лице кое има симптоми на коронавирусот.
Тој истакна дека станува збор за жена, но истакнува дека симптомите не укажуваат на коронавирус.
– Причината за конференцијата е овие информации да не предизвикаат паника. Станува збор за странски државјанин кој работи во Косово. Тоа лице престојувало во ски-центар со пет други лица. Имала лесна кашлица, но без присуство на треска и други симптоми, а ги алармирала надлежните и дошла на Клиниката за инфективни болести, рече Витија.
Тој истакна дека резултатите ќе бидат познати до 23 часот, но истакна дека најверојатно не станува збор за коронавирус.