Околу 150 илјади мигранти и бегалци пристигнале во Европа преку Средоземното Море од почетокот на годината и повеќето од нив се прифатени во Грција. Тоа го соопшти денеска Меѓународната организација за миграција (ИОМ).
Според нив, во Грција пристигнале 75,9 илјади луѓе, а во Италија околу 74,900 луѓе.
Минатата година преку Медитеранот во Италија пристигнале околу 170 илјади луѓе додека во Грција само 34,500 луѓе.
– Сега работите се променија. Во првата половина од годината во Грција се регистрирани 69.000 мигранти, изјави Џоел Милман, портпарол на ИОМ.
Речиси 60 отсто од тие луѓе се бегалци од Сирија, како и од Авганистан, Ирак, Еритреја и Сомалија.