Словенечкиот политичар и адвокат Игор Шолтес (53) е назначен за нов известувач на Европскиот парламент за Косово.
Шолтес е пратеник во Европскиот парламент од 2014 година и потпретседател на делегацијата на парламентарниот одбор за стабилизација и асоцијација на Србија.
Тој денеска присуствуваше на прошталните состаноци на досегашната известувачка Урлике Луначек со шефовите на косовските институции.
Луначек денеска одржа состанок со косовскиот претседател Хашим Тачи, кој нагласи дека таа била лојална на Косово.
– Бевте глас на Косово во Брисел и глас на Брисел во Косово. Искрен и конструктивен глас, наведе Тачи.
Луначек, од своја страна, му порача на Тачи дека Договорот за стабилизација и асоцијација, како и европските реформи, се водич за европската перспектива на Косово.