Министерска конференција на држави од Запден Балкан – Westen Balkans 6, ќе се одржи на 25 март во Приштина.
На конференцијата ќе се расправа за конкретни економски проекти од регионален карактер, со посебен акцент на вложувања во инфраструктурата.
Конференцијата се организира по конференцијата на држави од Западен Балкан во Берлин под покровителство на германската канцеларка Ангела Меркел, со цел промовирање на економската соработка меѓу државите во регионот.
Меѓу учесниците ќе биде и европскиот комесар за соседство и преговори за проширувањето Јоханес Хан. Европската комесарка за транспорт преку видео-порака ќе се обрати на форумот.