Хрватската полиција приведе 25 илегални имигранти при преминување на државната граница со Босна и Херцеговина во реонот на Винковци.
Во соопштението на полицијата се истакнува дека станува збор за 20 граѓани на Сирија, двајца Израелци и по еден граѓанин на Алжир, Мароко и Пакистан. Имигрантите биле пронајдени овој викенд во товарен воз на железничката станица во Винковци.
Според податоци на локалната полиција до 30 септември државната граница меѓу Босна и Херцеговина илегално ја преминале 987 странски државјани од 49 држави.
Најмногубројни се државјаните на Сирија (323) и Авганистан (207), по што следуваат од Сомалија (65), Пакистан (51) и Алжир (39).