Економската криза ги принуди граѓаните на Србија масовно да продаваат предмети од злато, од накит до златни заби. Покрај златарниците, со овој бизнис се занимаваат и менувачниците и фризерските салони. Го откупуваат златото за 10 до 20 проценти пониска цена, од неговата пазарна вредност, а потоа го извезуваат најчесто во Хрватска.
Хрватска стана најголем извозник на злато во регионот и покрај тоа што нема ниту еден рудник , пишува српски „Блиц“.
Се претпоставува дека златото кое што го увезува од Србија го извезува во Словенија, Австрија, Германија и Италија каде што накитот и забите се топат во златни прачки кои завршуваат на пазарите ширум светот.
Само за првите девет месеци годинава извозот на злато е зголемен во однос на минатата година. Министерството за надворешна и внатрешна трговија на Србија, за оваа година издало дозволи за извоз на 436,9 килограми злато, што е двојно повеќе во однос на 2012 година.
Елена Георгиевска