Косовскиот премиер Авдулах Хоти денеска го разреши шефот на Косовската разузнавачка агенција, Крешник Гаши, јавуваат локалните медиуми.
Хоти за потегот објави и на својот фејсбук-профил, нагласувајќи дека тој побарал од Гаши да ја напушти клучната позиција, но ни тој, ни вршителката на должноста претседател на Косово, Вјоса Османи, чија согласност е нужна за да се разреши првиот разузнавач, не понудија какво било образложение за одлуката.
Гаши, кој на функцијата шеф на Косовската разузнавачка агенција дојде пред речиси точно една година, беше поставен додека премиер на државата беше Рамуш Харадинај. Тој на позицијата дојде откако претходно беше член на управниот одбор на косовското регулаторно тело за електронски комуникации.