Рамуш Харадинај, кандидатот за нов косовски премиер на коалицијата на Демократската партија на Косово, Алијансата за иднината на Косово и Иницијативата за Косово, како и 10 помали партии, денеска изјави деја ќе разговари и со другите албански партии за заедничка влада.
-Имав традиција на соработка со Демократскиот сојуз на Косово и отворен сум да разговарам со нив, рече Харадинај за Радио Слободна Европа.
Од друга страна, тој додаде дека ќе разговара и со движењето Самоопределување, но додаде дека избирачите одлучија кој е победникот на изборите.
-Тоа што можам да ги уверам граѓаните е дека веднаш по потврдувањето на резултатот од изборите ќе ја формираме Владата, рече Харадинај.
Неговата коалиција, како и 10 помали партии, добија најголем број гласови – 33 отсто, но не е во можност сама да ја формира новата косовска Влада.