Маж кој тврди дека убил две лица се забарикадира вооружен со граната во столарска работилница во селото Гонои, во грчката област Тесалија, а на местото на настанот се распоредени специјални полициски сили, јавуваат грчките медиуми.
Осомничениот, кој има околу 60 години, се јавил во полиција велејќи дека убил две лица, а полицајците потоа го пронашле телото на една од жртвите, за која се претпоставува дека е од ромска етничка припадност, пишува Екатимерини.
Локалните медиуми јавуваат дека осомничениот е познат по неговата политичка активност во екстремно десничарската партија Златна зора, а претходно бил нејзин кандидат за пратеник.
Во моментов се водат полициски преговори со осомничениот.