Грчката Влада и хотелиерите се оптимисти за туризмот во државата во ова лето по падот од 5,5 отсто на бројот на туристи во туристичката сезона 2012 година.
Грчкиот министер за туризам Олга Кефалојани нагласи дека грчкиот туризам кој е сериозен извор на средства на државата успеал да опстои и покрај лошата сезона заради социјалните случувања и економскиот и политички хаос лани што предизвикаа „одлив на туристи“.
Таа рече дека се ангажирани да преземат иницијативи Грција да биде приоритетна светска дестинација.
Според претседателот на Унијата на хотелиери, Јоргос Цакирис првите цифри за 2013 година се добри.
– Оптимист сум дека Владата, политичарите и општеството почнаа да разбираат дека туризмот е средство за ислез од кризата и придонесуваат за раст, нагласи тој.