Грција своеволно би го вратила времето 200 години наназад и одново би станала дел од Турција, само доколку по ова прашање биде организиран референдум меѓу Грците, смета Јигит Булут, советник на турскиот премиер Реџеп Таип Ердоган.
– Ако денеска имаше референдум во Грција, над 51 процент од луѓето би гласале за излегување од Европската унија и присоединување кон Турција – изјави Булут во интервју за турскиот венсик „Хабертурк“.
Булут е познат по неговите контроверзни изјави. Минатиот месец тој го нарече премиерот Ердоган вистински социјалист, предизвикувајќи реакција од Владата. Портпаролот на владејачката Партија на правда и развој, Хусеин Челик одговори дека Ердоган е конзервативна и демократска личност, но не е социјалист.
За време на протестите во истанбулскиот парк Гези во текот на летото, Булут го предизвика медиумското внимание кога рече дека странските сили се одбидуваат да го убијат Ердоган преку телекинеза.