Грција потроши околу 19 милиони евра од предвидените 50 милиони евра за време на шестмесечното претседателствувањето со Европската унија, изјави денеска грчкиот вицепремиер и министер за надворешни работи Евангелос Венизелос.
Тој истакна дека буџетот за претседателствувањето уште на почетокот бил мал во споредба со буџетитте на другите земји, кои потрошиле над 50 милиони евра.
Венизелос посочи дека средствата кои останале ќе се вратат во грчкото Министерство за финансии.
Тој наведе дека за време на претседателствувањето во Атина се одржале над 160 средби од кои 21 биле на министерско ниво.
Шефот на грчката дипломатија петтото претседателствувањето на Грција со ЕУ го оцени како успешно.