Официјална Атина укина денеска уште една привилегија која ја имаа вработените во државниот сектор – шест дена платен одмор годишно за сите оние кои работат на компјутер.
Привилегијата, според која работниците кои пред компјутер поминуваат повеќе од пет часа на ден, имаат право на еден слободен ден на секои два месеци, воведена е на 12 јуни 1989 година.
Одлуката за укинување на привилегијата претставува „мал“, но „симболичен“ чекор кон модернизација на застарениот јавен сектор, кој на себе го презеде предизвикот промена на јавните институции.