Грчкото Министерството за надворешни работи соопшти дека очекува од Германија објаснување во врска со информациите во медиумите дека германските служби за безбедност ја шпионирале електронската пошти на грчки граѓани.
– Меѓу пријателите, партнерите и сојузниците постојат определени правила за соработка и етика. Сигурни сме дека германската страна итно ќе ни одговори, се вели во соопштението.
Министерството напоменува дека и Германија има забелешки кон САД во врска со случајот за прислушување на канцеларот Ангела Меркел.
Грчкиот весник „Та неа“ вчера објави дека германската разузнавачка служба ги шпионирала мејлови и мобилни телефони на граѓаните од 195 држави вклучувајќи ја и Грција, во рамки на операција за борба против тероризмот.