Грција ја тресе сексуален скандал во кој е вмешано 12-годишно девојче кое за неколку месеци било силувано од повеќе од 200 клиенти.
Детето кое потекнува од сиромашно семејство и живее во центарот на Атина, областа Сеполија, било заведено од сопственик на продавница од соседството, кој потоа го продал телото на малото дете на други клиенти за сума од 50 до 70 евра.
Случајот почнал да се расплеткува откако телефонот на девојчето паднал во рацете на нејзината тетка, која во него видела еротски пораки за средби со клиенти и веднаш ја известила полицијата.
Досега истрагата покажа дека на малото дете му се заканувале со пиштол од продавачот за да премолчи. Состаноците обично се одржувале во автомобилите на клиентите во метрото Сеполија. Според сведочењето на девојката, таа била однесена и во бордел, каде во рок од 20 минути ја силувале 5 мажи.
Уапсени се 3 мажи, а од виберот и социјалните мрежи на девојката се бараат други клиенти.
Еден од приведените е татко на 3 деца, од кои едното е на иста возраст со силуваното девојче. Роднините на приведениот ги објавиле за продажба своите домови во месноста „Аспропиргос“, засрамени од однесувањето на нивниот роднина.
Многумина од испитаниците тврдат дека 53-годишниот продавач, го претставувал девојчето дека има 16-18 години, но на клиентите со попосебни преференции им ја соопштил вистинската возраст на девојчето.
Приведена е и мајката на 12-годишното дете, а се испитува дали била вмешана и дека знаела за овие перверзии со своето дете. Вчера мајката била сослушана и оставена во притвор. Откако ја слушнале одлуката, нејзините деца, кои претходно сведочеле во нејзина корист, почнале да плачат. Според адвокатот на мајката, двете деца се заканувале дека ќе се самоубијат.
Многу од клиентите ја контактирале девојката преку онлајн апликација за запознавање, а потоа се префрлиле на приватен разговор за да организираат состаноци.