Во текот на денот, со два воени авиони C-130 Грција ќе испрати одбранбен материјал за Украина, со одлука на грчкиот премиер Кирјакос Мицотакис како одговор на украинското барање, но и во консултација со сојузниците од НАТО и партнерите во ЕУ, информираат од кабинетот на грчкиот премиер, јави дописничката на МИА од Атина.
Мицотакис утрово одржал состанок со учество на министерот за одбрана и началникот на Генералштабот на армијата за да се информира за ситуацијата во Украина и, како што соопштија од неговиот кабинет, „за во пракса да ја покажат солидарноста до украинскиот народ“ било решено да се испрати одбранбен материјал како и хуманитарна помош.
Авионите со одбранбениот материјал денеска ќе тргнат за Полска, а според грчките медиуми Грција испраќа муниција, пушки од типот Калашников и фрлачи.
Во текот на вчерашниот ден вкупно десет грчки иселеници ги загубија животите во две украински села.
Извор: МИА