Грција и Австралија по двегодишни преговори, постигнаа договор за воведување на визен режим „работи и патувај“, што ќе обезбеди едногодишни работи дозволи за 500 млади луѓе од 18 до 30 години во рамките на пилот програма за јакнење на туризмот и билатералните односи.
– Шемата што ќе овозможи на младите да работат и живеат во Грција или Австралија до една година, треба да стапи во сила во следните месеци, откако ќе биде изгласана од грчкиот паралмент, изјави министерката за туризам Олга Кефалојани.
Министерката во Канбера потпиша договор со австралискиот министер за имиграција Скот Морисон, пишува грчкиот весник Катимерини.
Морисон нагласи дека шемата ќе биде продолжена ако се покаже како успешна.