Делегација на грчките земјоделци и одгледувачи на добиток утре во Атина ќе се сретнат со заменик претседателот на Владата, Јанис Драгасакис и претставници на министерствата за финансии, труд и за земјоделство.
– Нашата 17-члена делегација која ќе учествува на состанокот очекува од Владата да предложи мерки за олеснување на високите трошоци за производство, изјавил претставник на земјоделците.
Во меѓувреме, фармерите ќе продолжат да го блокираат граничниот премин Евзони кон Македонија, а од 15 до 17 часот по локално време ќе се блокира и граничниот премин Дојрани.
Земјоделците во цела Грција го чекаат исходот од утрешната средба со владина делегација, по што ќе се состанат за да одлучат за идните чекори.