Грчките земјоделци со симболични блокади на граничните премини „Ники“ и „Евзони“ со Македонија

Од:

Неколкучасовни блокади на граничните премини Ники (Меџитлија) и Евзони (Богородица) кон Северна Македонија, но само за камиони, најавија за денеска грчките земјоделци, кои продолжуваат со нивните активности во пресрет на утрешната средба со грчкиот премиер Кирјакос Мицотакис, јави дописничката на МИА од Атина.

Земјоделците од северозападна Грција од 12 часот по локално време го затворија преминот Ники, но само за товарни возила, кои во најголемиот дел се камиони што пренесуваат лигнит, додека пак сообраќајот на автомобили од и кон Северна Македонија од грчка страна се одвива регуларно.

Блокадата според најавите се очекува да трае до 15 часот по локално време.

Земјоделците од северниот дел на земјата преку Поликастро претпладнево се упатија кон граничниот премин Евзони, со цел неколку часа да го блокираат сообраќајот на товарни возила, меѓутоа на неколку пат попатно наидоа на полициски блокови кои успеаја да ги избегнат преку локални и споредни патишта.

Кусо по 13 часот по локално време со тракторите стигнаа на граничниот премин, но според информациите на дописничката на МИА од Атина, до 13.30 часот по локално време сообраќајот и на автомобили и на камиони се одвиваше регуларно.

Претставници на земјоделците, вкупно 15 лица од цела Грција утре напладне ќе се сретнат со грчкиот премиер Кирјакос Мицотакис во Атина, а не е исклучена можноста доколку нема договор на утрешната средба, дополнително да ескалираат активностите и да резултираат со целосни блокади како на автопатите така и на граничните премини.

Би можело да ве интересира

(ВИДЕО) Грција, прва православна земја која дозволи истополови бракови – Лидерот на СИРЗА прослави во Геј бар

Анита Петровска Рајковиќ

Бугарија: Земјоделците организираа протест пред зградата на Владата барајќи оставка од ресорниот министер

Мирен протест на Србите од Косово

Атина: Три лица загинаа во престрелка во бродска компанија, напаѓачот се самоуби

Горан Наумовски

Грчкото МНР ги известува земјите низ светот дека непроменетите македонски пасоши стануваат неважечки

А1он

Протест на грчките земјоделци поради растот на цените