Апостолос Везиропулос, поранешен заменик-министер за финансии на Грција и актуелен генерален секретар на пратеничката група на Нова демократија, почина ненадејно на 59-годишна возраст откако доживеа срцев удар на плажа на Халкидики.
Како што објавија грчките медиуми, Везиропулос доживеал срцев удар во саботата, и иако брзата помош пристигнала брзо и го пренела во Здравствениот центар „Агиос Николаос“, лекарите не можеле да го спасат.
Везиропулос беше долгогодишен пратеник од Иматија, а од април оваа година е генерален секретар на пратеничката група на Нова демократија.
Претходно, тој беше претседател на Постојаниот комитет за економски прашања на Парламентот, а од 2019 до 2023 година беше заменик-министер за финансии, задолжен за даночна политика и јавни средства во владата на Киријакос Мицотакис.