Грција не е терен за обука на џихадисти, соопшти грчката полиција како одговор на информациите во локалните медиуми дека на грчка територија се регрутираат и се обучуваат радикални исламисти.
Полицијата во соопштението нагласи дека е спроведена истрага во компанија со седиште во Макропуло, источна Атика, по претходни извештаи дека фирмата обучувала Грци и странски државјани за пилоти и авионски инженери, јави дописникот на МИА од Атина.
Дозвола за работа на фирмата и е укината во јули годинава откако биле откриени „сериозни неправилности“ во нејзината работа, се вели во полициското соопштение.
„Истрагата не обезбеди докази или индикации за обука на џихадисти, ниту за нивно учество во работата на фирмата“ се додава во соопштението.