Грчката полиција е во потрага по нарко дилери кои на една плажа на југот на земјата оставиле 830 килограми марихуана, пренесе Танјуг.
Во соопштението на полицијата се наведува дека дрогата е најдена во близина на пристанишниот град Килини, во регионот на Пелопонез, на околу 250 километри југозападно од Атина.
Марихуаната била спакувана во 56 пакетчиња, а полицијата истражува дали едно возило, најдено во близина, било користено од непознатите дилери.
Како што соопшти полицијата, се уште не е јасно дали дрогата била донесена до плажата по море или од таму требало да ја преземе некој брод и да ја префрли на друго место.
Пакетичињата марихуана се најдени по дојава, а полицијата не ја наведе проценката за вредноста на запленетата дрога.