Грција од 10 октомври ќе почне да организира настава за околу 1.500 деца бегалци, соопшти денеска грчкото Министерство за образование.
– Школувањето на децата бегалци е меѓународна обврска на Грција. Училишта ќе бидат отворени во Атина, Солун и во други делови на земјата, рече на прес-конференција грчкиот министер за образование Никос Филис.
Но, откако две училишта на северот од Грција се спротивставија на тој проект, властите одлучија можност за школување да добијат само оние деца бегалци кои се вакцинирани.
Моментно во Грција има над 60.000 имигранти.