Европскиот комесар за проширување, Штефан Филе денес оцени дека Србија оствари неспорни резултати и дека ги исполни критериумите за приближување кон ЕУ.
Тој порача дека Европската комисија очекува продолжение на реформите и нивна одржливост.
Европскиот комесар во обраќањето пред пратениците на Народното собрание истакна и дека процесот во пристапните преговори подразбира национален и партиски консензус, континуитет и одлучност.
Според неговите зборови граѓаните на Србија постепено ќе ги почувствуваат поволностите од пристапните преговори, а не само на крајот на процесот.
-Искуството со другите држави кандидати покажува дека трансформативниот процес е сложен, понекогаш и тежок, но овозможува економски и социјален развој, унапредување на работните можности, единство на пазарот, како и поголема вработеност-рече Филе.
Eлена Георгиевска