Мисијата Еулекс на Косово следните неколку дена од работа ќе отпушти околу 800 лица, кои биле во работен однос во оваа инситуција,а од нив половината се Косовци.
Веста за елекронското издание на приштинскиот весник „Експрес“ ја потврди Беса Доми, портпаролката на Еулекс.
Според Доми, во јуни 2016 година земјите членки на ЕУ и косовската Влада се договориле за нов мандат на мисијата на Еулекс, која донела нов оперативен план на активности.
– Спровдувањето на овој план предвидува намалување на бројот на вработени за 800 лица, од нив 400 се странци и исто толку Косовци.Тоа е направено со цел да се создаде помала и постабилна мисија, која ќе нуди активности од мониторинг, менторирање и советување на стратешко ниво на косовските институции за спроведувње на законот и понатамошна подршка за уставно и граѓанското право за судење на одредените кривични случаи,изјави Доми.
Таа додаде дека процесот на реконфигурирација на мисијата ќе заврши на 14-ти ноември.