Турскиот премиер Реџеп Таип Ердоган денеска апелираше до граѓаните да бидат внимателни за време на погребот на трите курдски жени убиени во Париз.
– Нашите безебдносни сили исто така ќе бидат внимателни и нема да дозволат никаква саботажа. Очекувам иста внимателност и од политичарите. Овој процес е лакмусова хартија, а во исто време и наш испит на трпеливоста, истакна Ердоган зборувајќи за најавените протести утре и в петок во Дијабекир, во Мерсина, во Тунчели и во Кахраманмараса по повод убиството на трите курдски жени.
Тој ја осуди и прокурдската Партија на мирот и демократијата (БДП), бидејќи за убиството на трите курдски жени ја обвини турската Влада.
– БДП е пример на евтина и валкана политика, посочи Ердоган.
Тој истакна дека во тек е и завршувањето на теророт во Турција, но оти некои кругови не сакаат теророт да заврши.
– Тие кругови по секоја цена со неосновани обвиненија и гласини ќе се обидат да му го поматат умот на народот, Нема да дозволиме да ја искористат чувствителноста на нашиот народ, посочи Ердоган.