Никакви закани не можат да ја одвратат Турција од намерата во источниот Медитеран да трага по наоѓалишта на природни ресурси, изјави денеска турскиот претседател Реџеп Тајип Ердоган.
Тој додаде дека Анкара очекува актерите во регионот да преземат чекори за смирување на тензиите.
– Турција е одлучна до крај да бара исполнување на своите права во источен Медитеран и никаква колонијалистичка сила или закана не може да не одврати од трагањето за изворите на нафта и природен гас, за кои оценуваме дека постојат во регионот, истакна Ердоган.
Тој додаде дека Турција сака спорот да биде решен со дијалог и по дипломатски пат.
Два турски истражувачки брода се наоѓаат во водите на источен Медитеран, на кои, освен Турција, право полагаат и Грција и Кипар.
Во исто време, Турција објави дека пронашла извор на енергенс, најверојатно природен гас, во слично истражување во Црното Море.