Меѓународните компании кои истражуваат гас во Средоземното Море да не ја преминуваат линијата и да не ги повредуваат турските права, предупреди турскиот претседател Реџеп Тајип Ердоган.
Тој изјави дека опортунистичките намери во врска со експлоатацијата на гас на Кипар не поминале незабележано.
Турција има поставено воени бродови недалеку од Кипар со цел спречување на италијанската енергетска компанија „ени“ да почне со експлоатација на природен гас. Тие се противат на едностраната потрага на кипарската Влада по течно гориво, бидејќи со тоа се нарушуваат правата на кипарските Турци.
ЕУ побара од Турција да се воздржи од закани и акции кои би ги нарушиле добрососедските односи.