Турскиот премиер Реџеп Таип Ердоган изјави дека инфлацијата во Турција во 2012 година била најниска од 1968 година досега.
Ердоган, кој говореше пред парламентарната група на својата Партија на правдата и развојот за економскиот развој на Турција, истакна дека минатата година инфлацијата во земјата била едвај 6,2 проценти, а во 2002 година, кога неговата партија дојде на власт, нивото на инфлација било 30 отсто.
Турскиот премиер ги истакна успесите во автомобилскиот сектор во Турција со реализирани продажби на 556.000 возила. Тој потсети дека во 2002 година биле продадени 91.000 автомобили.