Приближувањето на Западен Балкан кон ЕУ е еден од приоритетите за Европската комисија во наредната 2018 година.
– На својот прв состанок во 2018 година еврокомесарите ги разгледуваат институционалните приоритети за оваа година, година во која треба да бидат спроведени економските и монетарните реформи на Унијата, да се обезбедат границите на ЕУ, да се подобри системот за азил, да се врати Шенгенот, да се комплетира единствениот дигитален пазар и да се приближи Западен Балкан кон ЕУ, се наведува во соопштението по состанокот на европските комесари во седиштето на ЕК во Брисел.
Од 89 приоритетни досиеја, 29 од нив се завршени, а ЕК сака и останатите да бидат затворени до крајот на мај 2019 година.
Сите европски комесари в четврток ќе отпатуваат во Софија, каде што во петок ќе разговараат со бугарските официјални претставници за приоритетите на бугарксото претседавање со Советот на ЕУ.