Европската комисија внимателно ја следи состојбата на грчкиот остров Кос и ако побара грчката Влада, Комисијата е подготвена да даде поддршка, изјави портпаролот на Европската комисија Наташа Бертуд.
Таа информира дека комесарот на ЕУ за миграции, Димитрис Аврамопулос е во постојан контакт со грчките власти.
– Ако Грција има потреба од дополнителна помош, Комисијата ќе ги испита соодветните барања, рече Бертуд и потсети дека преместувањето на 16.000 лица кои побарале азил во други европски земји веќе е договорено.
Таа, исто така, рече дека на Грција е понудена техничка помош и најави оти ефективноста на Регулативата Даблин 2 ќе се дискутира во 2016 година.