Еден од тројца вработени во грчкиот приватен сектор останале без работа од почетокот на кризата, додека платите се намалиле за 22 отсто и се очекува да се намалат за уште шест проценти во 2013 година, соопшти Народната банка на Грција, јави дописникот на МИА од Атина.
Додека вработувањето и платите се намалуваат, тоа не е случај кај цените за кои се проценува дека ќе паднат само пет проценти во текот на следните неколку години.
Во студијата за грчката економија и влијанието на програмата за прилагодување врз неа се заклучува дека реакцијата на економијата на мерките за штедење била бавна во првата година – 2010 и оти резултатите почнале да стануваат очигледни дури следната година.