Двајца турски полицајци и четворица борци на Исламска држава се убиени рано утринава во престрелка што почнала откако полицијата изведувала претреси на куќи во градот Дијарбекир, в југоисточна Турција, информираа британските медиуми, повикувајќи се на безбедносни извори.
Продолжува престрелката во квартот Кајапанар, во доминантно со Курди населениот град Дијарбекир, информирата изворите.
По двојниот самоубиствен атентат во Анкара, во кој беа убиени над 100 лица, турските власти ги проширија своите операции против претпоставените ќелии на Исламска држава во земјата. Тоа беше најужасниот ваков напад во поновата турска историја, за кој вината беше фрлена врз Исламска држава.
Турскиот претседател Реџеп Таип Ердоган минатата недела изјави дека сириското разузнавање и курдски борци, а не само Исламска држава, стојат зад нападот во Анкара, извршен на минтинг на прокурдски активисти и граѓански групи.