Два тона кокаин се запленети денеска во заедничка акција на Јавното обвинителство за организиран криминал, полициското одделение за град Белград, полицијата и БИА, а во координација со Европол и надлежните полициски органи на повеќе земји, во меѓународни води на Атлантскиот Океан во едрилицата „Океанија дос“ долга 22 метри, соопшти српската полиција.
Наркотичната дрога кокаин била спакувана во неколку обележани поединечни пакувања, кои биле во спортски торби, соопштија од Јавното обвинителство за организиран криминал.
Со едрилицата управувале еден украински и еден чешки државјанин.
Крајната дестинација на дрогата била ЕУ.