Милорад Додик изјави дека тој е прислушкуван од страна на службите за безбедност на Босна и Херцеговина и дека налогот за неговото следење е изнаден на барање на јавното обвинителство, но дека не знае каква истрага е покрената.
Претседателот на Република Српска кажа дека добил известување од судот во Сараево дека против него се преземени мерки за прислушување и вели дека тој е најпрогонуваниот човек во БиХ.
-Тоа не е ништо ново, бидејќи знам дека моите разговори ги следат најмалку десет агенции. Меѓутоа, овде станува збор дека некој суд на БиХ го прислушува претседателот на Република Српска и тоа е проблематично, изјави Додик за „Вечерње новости”.
Тој додаде дека не знае зошто судот го известил за тоа, но претпоставува дека тоа е за да не се претвори во поголем проблем кога тоа би се дознало на друг начин.
– Не знам зошто ме прислушуваат, кога отворено зборувам дека се залагам за самостојна Република Српска, вели претседателот на Српска.