Шефот на делегацијата на Европската унија, Венсан Дежер оцени дека наскоро може да се очекува забележителен напредок на Србија на патот кон ЕУ.
Тој ја потврди посетата на високата претставничка на ЕУ, Кетрин Ештон и комесарот за проширување, Штефан Филе во Србија.
Во текот на посетата на Сењски рудник, Дежер рече дека благодарение на индустријата Србија и во 19 -от век на одреден начин била дел од европската заедница.
-Идната недела во Србија ќе дојде високата претставничка на ЕУ, Кетрин Ештон, а недела дена подоцна и комесарот за проширување Штефан Филе за да ги разработат елементите за интеграција, така што не губиме време и напредуваме во тој процес- изјави Дежер.
Елена Георгиевска