С.Б. (28) од Нови Сад за време на викендов е фатена со неверојатни 3.5 промили алкохол во крвта. Таа управувала со „Мазда 6“, а на местото совозач бил нејзиниот дечко. На полицајците им рекле дека се идни сопружници.
– Девојката веднаш ја исклучивме од сообраќајот и ја префрливме на трезнење. Не се бунеше. Меѓутоа, како што марицата тргна, така нејзиниот дечко седна во нејзината кола и тргна по марицата. На раскрсница излезе од возилото и застана пред марицата. Полицајците тогаш и него го тестираа и утврдија дека има 1.5 промили алкохол, па и тој беше пренесен на трезнење, рекол извор за српски Курир.