Во напад на турската полиција врз неколку куќи во градот Дијарбакир, во кои се криела милитантна група, за која имало сомненија дека претставува ќелија на Исламска држава (ИД), денеска погинаа девет лица, од кои седуммина милитанти и двајца полицајци, соопшти високо позициониран турски претставник.
Според соопштнието на заменик турски премиер Нуман Куртулмуш, во оваа операција, исто така, се ранети петмина полицајци, додека дванаесет милитанти се приведени, пренесоа американските медиуми.
Засега не е познато дали оваа акција има врска со нападот на двајцата бомбаши самоубијци во Анкара, претходно овој месец, во кој погинаа 102 лица. Еден од бомбашите самоубијца беше идентификуван како милитант на ИД.