Кипарската Влада воведе даночна амнестија за оние кои до крајот на годината ќе ги вратат средствата кои ги изнеле од островот, јавуваат кипарските медиуми.
Владата вети дека оние кои до крајот на годината ќе ги вратат средствата ќе бидат ослободени од данок на приход.
До 15 март, кога Еврогрупата, која ги обединува министрите за финансии од еврозоната, ја објави одлуката депозитите во кипарските банки да се оданочат со еднократен данок, како услов за отпуштање на спасувачки заем за Кипар, од островот биле изнесени голем дел од депозитите во евра. Вкупната сума на изнесени депозити се проценува на околу 700 милиони евра.