Министерот за внатрешни работи Ивица Дачиќ изјави дека вчера и денес во Србија се регистрирани 236 пожари на отворено, и дека моментално се активни 27 пожари.
Дачиќ изјави за РТС дека ангажирани се 656 пожарникари и спасувачи со 299 возила
„Спасени се повеќе од 10 лица, а едно лице е повредено. Бројот на спасени објекти е над 150, вклучувајќи станбени згради, згради за разни намени, една трафостаница, една црква во Ниш. Најзагрозените локации се во близина на Ниш, Врање, Крагуевац, Пријепоље, Мали Зворник, Ужице и Крушевац“, изјави Дачиќ.