Претседателот на Владата на Србија, Ивица Дачиќ рече дека Хашим Тачи би требало да внимава што зборува. Тоа се однесуваше на изјавата на косовскиот премиер, дека Србија си игра со оган кога зборува за поделбата на Косово.
За денешното издание на „Блица“, по повод изјавата на Тачи дека „Србија со инсистирањето на поделба си игра со оган и дека би можела да заврши како Белградски пашалук“, рече дека таквата реторика е наменета за внатрешните прилики на Косово.
„Нема Приштина да одлучува и далеку е од тоа дека ќе одлучи каква ќе биде Србија. Наместо таквите изјави треба да води сметка за преговорите кои не очекуваат, договорите поврзани за подобрувањето на животот на српската заедница, културното наследство и низа други животно-битни прашања, кои треба да се подобрат и решаваат“, рече Дачиќ.