„Доколку тие не го отстранат споменикот, ние ќе го тргнеме. Не постои проблем и прашањето дали ќе одам за Брисел, да ќе одам, само споменикот ќе го нема до тогаш“, изјаво српскиот премиер Ивица Дачиќ.
Тој кажа дека Србија ќе се однесува европски.
„Ние ќе се однесуваме европски, а тоа значи, ќе го тргнеме тој споменик.“, рече Дачиќ, реагирајќи на повикот на Рамуш Харадинај Србија да се однесува европски во случајот со споменикот на припадниците на ОВПБМ во Прешево.
Тој додаде дека не е сигурен каде на друго место во Европа е можно да се прават споменици на оние кои се припадници на терористички организации и на оние што директно учствувале во убиства на полицајци и војници.