Ми пречи на секој што ќе му текне да доаѓа овде, па макар и од Европската Унија и да ни дели лекции. Сигурен сум дека корупцијата не е искоренета ниту во Европската Унија, па дури ниту во Европскиот парламент, изјави српскиот премир Ивица Дачиќ.
Тој одговарајќи на замерките на известувачот на Европскиот парламент за Србија, Јелко Кацин дека 24. приватизации се спорни, рече дека е алергичен на секој што ќе му текне да доаѓа во Белград и да дели лекции.
„Ме нервира што се прават дека се подобри, попаметни, дека кај нив нема корупција. Од кои земји тие доаѓаат“, изјави српскиот премиер.
Тој рече дека го почитува Кацин, но му порача малку да го спушти тонот.