Грчкиот премиер Алексис Ципрас денеска изјави дека е подготвен да разговара со земјоделците кои протестираат против пензиските реформи, но додаде дека поширокиот систем мора да се промени за да се заштити неговата одржливост.
Како што јави дописникот на МИА од Атина, Ципрас, во обраќање на седницата на неговиот Кабинет рекол дека Владата признава оти во својата сегашна форма, пензискиот пакет може да создаде товар на делови од населението и треба да се преиспита.
– Ние веќе го правиме тоа со самовработените… се стремиме истото да го сториме со земјоделците, доколку тие сакаат да седнат на дијалог за да се најде решение, рече Ципрас.