Четири шумски пожари во Грција

Од:

На четири различни локации во Грција односно на островите Лерос и Крф, во централниот и западниот дел на Пелопонез попладнево избија пожари во чие гаснење интервенираат над 100 пожарникари, авиони и хеликоптери.

Иако ниту еден од пожарите не претставува директна закана за населени места, сепак на островот Крф беа превентивно евакуирани две села.

Во гаснењето на пожарот на Крф учествуваат 34 пожарникари со 13 возила, пет авиони и еден хеликоптер, а според грчката новинска агенција АНА-МПА не постои опасност за ширење на пожарот.

На островот Лерос, со хеликоптер Супер пума биле донесени осум пожарникари од соседниот остров Самос, а во гаснењето на пожарот учествува и воената морнарица, три цистерни од општината, а помага и локалното население. Според локалните медиуми од островот, пожарот е делумно ставен под контрола.

Во централниот дел на Пелопонез во близина на градот Мегалуполи, дополнително беа засилени противпожарните сили за гаснење на шумскиот пожар. Интервенираат 50 пожарникари со 18 возила, два хеликоптери и два авиони.

Пожар, но од помали размери изби и во западниот дел на Пелопонез, каде што противпожарната служба со 22 пожарникари, 10 возила и два хеликоптери се обидува да се справи со огнените јазици.

Би можело да ве интересира

Грчката Влада ќе субвенционира купување електрични автомобили, мотори и велосипеди

А1он

Од грчката програма за домување заминуваат над 11.000 признати бегалци и лица кои немаат право на азил

А1он

Македонија меѓу земјите за кои од 15 јуни е дозволен влез во Грција

Ана Ололовска

Анкета: Грците против предвремени избори, економијата најважен проблем за земјата

Ана Ололовска

Поддршка од 2,9 милиони евра од САД за Грција за справување со миграциското прашање и Ковид-19

А1он

Американски и грчки воени авиони утре со прелет над Скопје ќе го поздрават нашето членство во НАТО

А1он