Турција стравува дека оружјето доставувано од Запад за ирачките и курдските сили, да не падне во раце на курдските бунтовници од ПКК во Турција, изјави денеска министерот за надворешни работи Мевлут Чавушоглу.
– Изразивме наше стравување за тоа прашање…ќе биде тешко да се контролира дестинацијата на сите тие оружја, изјави Чавушоглу за Анадолија.
Доставувањето на оружјето за Ирак и посебно за курдските борци кои војуваат против Исламска држава, треба да биде разгледано од американскиот министер за одбрана Чак Хејгел за време на посетата на Анкара.
Хејгел се очекува најверојатно денеска да пристигне во Анкара.