Деветнаесетгодишна волонтерка на Црвен крст, Сузана Вукиќ од Чачак при приемот на хуманитарна помош за загрозените од поплавите, пронашла 2.500 евра, кои што веднаш му ги вратила на сопственикот.
-Јас и уште дваесетина волонтери во магацинот сместувавме облека, која што пристигнуваше. Во вреќа во која што се наоѓаа женски работи видов една ќеса и мислев дека се работи за влажни марамчиња. Но, кога ја отворив видов штедна книшка со пари. Се работеше за голема сума на пари.
– Не се ни обидував да ги бројам, бидејќи ќе ме фатеше паника. Веднаш ја повикав координаторката-раскажува оваа матурантка на Машинско-сообраќајното училиште во Чачак.
Кога парите биле изброени било откриено дека се работи за 2.550 евра, а сопственик на штедната кништа била жена од Чачак.
Веднаш повикале полиција, на која што и се предадени парите, а врз основа на податоците од документите, се пронајдени и наследниците, бидејќи жената не е повеќе помеѓу живите.
Сузана вели дека во ниту еден момент не размислувала што да направи со пронајдените пари.
-Веднаш помислив дека се работи за заштедени пари кои некој ги оставил за „црни денови“. Знам дека живееме во тешки времиња и дека можеби некој не би постапил вака. Јас не размислував ниту секунда, бидејќи тие пари не се мои и треба да бидат кај оној кој ги заработил-рече таа.
Е. Г.