По наредба на митрополитот на Варна Кирил Ковачев, во текот на студените месеци кога температурите паѓаат длабоко под нулата, сите храмови во градовите и селата на митрополијата ќе мора деноноќно да бидат отворени за бездомниците и скитниците да се засолнат од временските непогоди.
Црквата на сите нив ќе обезбеди топол оброк и по потреба облека.
Слична пракса сега воведува и митрополијата Сливен.
Во градот Русе на Дунав, локалната митрополија отвори „топол дом“ за бездомниците со капацитет од 75 лица, а ќе биде обезбедена и лекарска помош. Објектот е финансиран од католичката хуманитарна организација „Каритас“.