Премиерката на Србија Ана Брнабиќ, изјави дека геополитичката ситуација секој ден станува се покомплицирана.
Таа додаде дека притисокот врз Србија е огромен и дека Белград не ја менува својата позиција.
Брнабиќ за РТС посочи дека позицијата на земјата е во согласност со меѓународниот правен поредок и националните интереси и дека „не го менува ставот“.
Одговарајќи на прашањето дали Русија доволно ја цени позицијата на Србија, премирката рече дека одговорот на тоа прашање треба да се бара од амбасадорот на Руската Федерација и луѓето кои можат да кажат што и како Москва разбира и гледа на тоа.
„Ние сме под притисок затоа што сме единствената земја во Европа која нема воведено санкции кон Руската Федерација, имаме дополнителен притисок во земјата од луѓе кои нè обвинуваат дека не воведуваме санкции, изјави Брнабиќ.
Таа кажа дека ставот на Србија е во согласност со меѓународното право и меѓународниот правен поредок и во согласност со националните интереси.
„Дали е лесно, нели, дали секој ден се бориме да го одржиме нашиот став, да, апсолутно. Се надевам дека (во Москва) ја разбираат нашата позиција и дека барем нашите партнери од Руската Федерација, но и ЕУ, САД и другите не слушаат.”. Нашата позиција нема да ја смениме. Тоа е единствена позиција и не се менува поради национална припадност или одредена држава, туку и само во согласност со меѓународното право“, истакна Брнабиќ.
Таа посочи дека ова е признавање и неповредливост на територијалниот интегритет на меѓународно признатите држави како што е Република Србија.
„Не можете да се заколнете во неповредливоста на територијалниот интегритет на Украина, а во исто време да кажете дека основниот принцип на меѓународното право не важи за Србија. Тоа не може. Ако го прекршивте тој принцип на грбот на нашиот народ и земја, не знам како го бранат на друго место“, рече таа.е премиерот.
Таа изјави дека затоа ставот на Србија е специфичен. Дури и да треба да не слушнат, ние сме тие што ја платиле најголемата цена за тоа прекршување на меѓународното право и принципи“, истакна премиерот.
Брнабиќ изјави дека утре се очекува многу важен телефонски разговор меѓу претседателите на Србија и Русија, Александар Вучиќ и Владимир Путин, во врска со новиот гасен аранжман.
„Како што рече претседателот Вучиќ, трите најважни теми за тој разговор се количините на гасот, цените и безбедноста на снабдувањето. Не можам да кажам дали нешто од тоа е сигурно. Нешто е поизвесно во моментов и носи одредена сигурност, но тоа е почеток на решавање на загатката со неколку непознати, разговор со унгарските партнери и фактот дека обезбедивме складиште за гас и тоа може да биде дел од решението“, рече премиерката.