Премиерката на Србија, Ана Брнабиќ, зборувајќи за сцените на насилство на белградските улици, рече дека е важно да се напомене дека претседателот на Србија е во зградата на Претседателството, на 80 метри од овие насилници, додавајќи дека најмногу важно е да се зачува мирот и да се врати сето она што е уништено вечерва.
– Уништуваат јавен имот и тој ќе треба да се обнови со народни пари, рече Брнабиќ.
Според неа, припадниците на полицијата го чувале мирот, биле воздржани и имале инструкции да не реагираат за никој да не биде повреден.
Брнабиќ рече дека секој обид за упад во институциите е драматичен и ја покажува намерата преку насилство да се промени изборната волја на народот. Таа додава дека ова е обид за сценарио „Мајдан“, дека ова е омраза и насилство на што предупредуваа цело време во текот на изборната кампања.
„Предупредив дека не им е грижа за кампањата, изборите и резултатите, туку дека единствената намера им е насилна дестабилизација на Србија“, вели Брнабиќ.
Таа нагласи дека е важно граѓаните да знаат дека лично разговарала со сите странски дипломати на западните земји со желба да ги предупреди за ова.